განხორციელებული პროექტები

1.    პროექტის სახელწოდება ყველაზე მადლიანი თვე

2.    პროექტის მონაწილეები მეჯვრისხევის საჯარო სკოლის დ/კლასების მასწავლებლები:  ნინო ჯოჯიშვილი.                   თამარ გინტური        მუშა ჯგუფის წევრები:                                                   მე-4 ბ კლასის   მოსწავლეები

3.    პრობლემების ანალიზი დაწყებით საფეხურზე გათვალისწინებულია მოსწავლეები გაეცნონ და გაიწაფონ მარტივი სახის დიაგრამის წაკითხვაში, შესძლოს მონაცემების დაჯგუფების წესის ამოცნობა, თავად დააჯგუფოს მონაცებები. ·         სწავლების ამ საფეხურზე მოსწავლეებს უჭირთ გაიაზრონ სვეტოვანი დიაგრამის პრაქტიკული მნიშვნელობა. ·         მნიშვნელოვანია, რომ მოსწავლე საწყის ეტაპზევე საფუძვლიანად გაეცნოს და გაიაზროს მოცემული თემა, რაც ბევრად უფრო ადვილად აღქმადი გახდება კეთების პროცესში. ·          გეომეტრიული ობიექტებით შექმნილი მხიარული კომპოზიციები საინტერესოს და სახალისოს გახდის სასწავლო პროცესს, განუვითარდებათ აღწერილობის მიხედვით ფიგურის ამოცნობისა და მისი მოდელის შექმნის,თანამშრომლობის, კომუნიკაციის, შემოქმედებითობის, პრობლემათა გადაჭრის და პასუხისმგებლობის უნარ-ჩვევები.

4.    შინაარსობრივი სტანდარტები და ინდიკატორები მათ.IV.14.    მოსწავლეს შეუძლია თვისობრივ და რაოდენობრივ მონაცემთა ინტერპრეტაცია და ელემენტარული ანალიზი. შედეგი თვალსაჩინოა, თუ მოსწავლე: ·      სვამს საძიებო/შემაჯამებელ კითხვებს ცხრილის სახით წარმოდგენილი მონაცემების შესახებ; ·      აღწერს/განმარტავს სვეტოვანი დიაგრამის სახით წარმოდგენილ მონაცემებს სიტყვიერად და წერილობით; ·      ადარებს მონაცემთა ორ ერთობლიობას და პოულობს თვისობრივ განსხვავებას მათ შორის (თვისობრიობა უკავშირდება ერთობლიობაში მონაცემთა გვარობას/ტიპს, მონაცემთა განმეორებადობას, პოზიციას და თანმიმდევრობას). მათ.IV.13.    მოსწავლეს შეუძლია რაოდენობრივი და თვისობრივი მონაცემების მოწესრიგება. შედეგი თვალსაჩინოა, თუ მოსწავლე: ·      ალაგებს ჯგუფში გაერთიანებულ არაუმეტეს ათ მონაცემს (მაგალითად:  ზრდადობით ან კლებადობით ალაგებს რიცხვით მონაცემებს;  ლექსიკოგრაფიული მეთოდით ალაგებს გვარებს, რომელთა შორის რამდენიმეს საერთო აქვს არაუმეტეს ორი პირველი ასოსი); ·      აჯგუფებს მონაცემებს არანაკლებ ორი ნიშნით და ხსნის დაჯგუფების წესს; ·      სწორად ავსებს ცხრილს, სქემას, კითხვარს/ანკეტას (მაგალითად შეაქვს მონაცემები მზა ცხრილის შესაბამის უჯრებში). სახელმწიფო საგანმანათლებლო ტექნოლოგიური სტანდარტები ტექნოლოგიური ინსტრუმენტები ·         მოსწავლეები იყენებენ ტექნოლოგიურ ინსტრუმენტებს სწავლის პროცესის გასაუმჯობესებლად, პროდუქტიულობის და შემოქმედებითობის ასამაღლებლად. საინფორმაციო და კომუნიკაციის ინსტრუმენტები ·         მოსწავლეები იყენებენ ტელეკომუნიკაციის საშუალებებს თანატოლებთან, ექსპერტებთან და აუდიტორიის სხვა ჯგუფებთან თანამშრომლობის და ურთიერთობის დასამყარებლად. ·         მოსწავლეები იყენებენ მედიის და ფორმატების მრავალფეროვნებას სხვადასხვა აუდიტორიისთვის ინფორმაციის ეფექტურად მისაწოდებლად.

5.    პროექტის მიზანი      თანამშრომლობითი, საკუთარი აზრის ნათლად ჩამოყალიბების, ეფექტური კომუნიკაციის, გამოთქმისა და გადაწყვეტილებების მიღების, საკუთარი საქმიანობის თვითრეგულირების უნარ-ჩვევების განვითარება.   გაკვეთილზე მიღებული ცოდნისა და გამოცდილების რეალურ ცხოვრებაში გამოყენების უნარ-ჩვევების განვითარება; გამოკითხვის ჩატარება, კვლევის წარმოება, მასაკების დამუშავება ისტ-ის მეშვეობით; მოსწავლეთა შემოქმედებითი (სხვადასხვა სახის წერითი ნამუშევრები) და საპრეზენტაციო უნარების განვითარება.

6.    მოსალოდნელი შედეგები მოსწავლეები გაიუმჯობესებენ კომუნიკაციის, სხვისი აზრის პატივისცემის, თანამშრომლობის, პასუხისმგებლობის, შემოქმედებითობის უნარ-ჩვევებს. მოსწავლეები შეძლებენ: ·         გამოიყენონ მონაცემების შეგროვების  უნარ-ჩვევები გამოკითხვების დროს. ·         მულტიმედიური პრეზენტაციების მომზადებას ზეპირი პრეზენტაციების ვიზუალური ეფექტის შესაქმნელად. ·          სვეტოვანი დიაგრამის გამოყენების მნიშვნელობის შეფასებას. ·         სიტყვიერად და ვიზუალურად დიაგრამებით მონაცემების დალაგებას. ·         პრაქტიკულ სიტუაციებში დიაგრამების წაკითხვას. ·          სკოლის მოსწავლეების დაბადების თვეების სტატისტიკის მომზადებას, რაც უზრუნველყოფს ინფორმაციის დემონსტრირებას.

7.    მიზნობრივი ჯგუფები მეჯვრისხევის საჯარო სკოლის მოსწავლეები და მასწავლებლები.

8.    ამოცანების განსახორციელებელად საჭირო საქმიანობები: 1.         ჯგუფების შექმნა და სამუშაოს გადანაწილება.    1.1  კლასის 4 ჯგუფად გაყოფა და დავალებების გადანაწილება;    1.2. შეხვედრები კლასის დამრიგებლებთან;    1.3. მონაცემებისათვის საჭირო სკოლის მოსწავლეთა რაოდენობების დადგენა კლასების მიხედვით    1.4.  კლასების მიხედვით მოსწავლეთა სიების შედგენა;    1.5.  სკოლის მეორე კორპუსის მოსწავლეთა სიის შედგენა;   2.     მონაცემთა შეგროვება.      2.1.  გამოკითხვების ჩატარება სწავლების საფეხურების მიხედვით;      2.2  მონაცემების დატანა ცხრილებში;     2.3.  მონაცემების დახარისხება;     2,4. კლასების მიხედვით სვეტოვანი დიაგრამების აგება;    2.5.სკოლის მეორე კორპუსის მოსწავლეთა მონაცემთა მიხედვით სვეტოვანი დიაგრამის აგება;     2.6.  სვეტოვანი დიაგრამების მიხედვით ,,PowerPoint“-ში ელექტრონული დიაგრამების შექმნა;     2.7. სკოლის მოსწავლეთა საერთო მონაცემების მიხედვით შედეგების დახარისხება-შეკრება; 2.8. სკოლის მოსწავლეთა საერთო დიაგრამის აგება; 2.9. საერთო მონაცემების ელექტრონულ დიაგრამაზე დატანა;  3.   სვეტოვანი დიაგრამის პრეზენტაციის მოწყობა.     3.1.  შექმნილი რესურსების პრეზენტაცია.